Cofnodion cryno - Y Pwyllgor Cyfrifon Cyhoeddus

Lleoliad:

Ystafell Bwyllgora 3 - Senedd

Dyddiad: Dydd Llun, 14 Tachwedd 2016

Amser: 14.00 - 16.51
Gellir gwylio’r cyfarfod ar Senedd TV yn:
http://senedd.tv/cy/3745

Yn bresennol

Categori	Enwau
Aelodau’r Cynulliad:	Nick Ramsay AC (Cadeirydd) Mohammad Asghar (Oscar) AC Mike Hedges AC Neil McEvoy AC Rhianon Passmore AC Lee Waters AC
Tystion:	James Price, Cyfarwyddwr Cyffredinol, Llywodraeth Cymru Simon Jones, Llywodraeth Cymru Mick McGuire, Llywodraeth Cymru
Swyddfa Archwilio Cymru:	Gillian Body Matthew Mortlock Mike Usher
Staff y Pwyllgor:	Meriel Singleton (Ail Glerc) Claire Griffiths (Dirprwy Glerc) Joanest Varney-Jackson (Cynghorydd Cyfreithiol)

<AI1>

Trawsgrifiad

Gweld trawsgrifiad o'r cyfarfod (PDF 999KB) Gweld fel HTML (999KB)

</AI1>

<AI2>

1 Cyflwyniad, ymddiheuriadau, dirprwyon a datgan buddiannau

1.1 Croesawodd y Cadeirydd Aelodau'r Pwyllgor.

1.2 Cafwyd ymddiheuriadau gan Neil Hamilton AC. Nid chafwyd dirprwy ar ei ran.

1.3 Datganodd Lee Waters ei fod yn ffrind personol i Gadeirydd Maes Awyr Caerdydd. Datganodd Neil McEvoy fuddiant fel un a fu’n Gyfarwyddwr cwmni a wnaeth gais am grant gan Lywodraeth Cymru. Datganodd Mike Hedges fuddiant fel un a gyflogwyd yn flaenorol yn y diwydiant alwminiwm a dur.

</AI2>

<AI3>

2 Papur(au) i'w nodi

2.1 Cytunwyd ar y cofnodion.

</AI3>

<AI4>

3 Llywodraeth Cymru yn ariannu Kancoat Ltd: Sesiwn dystiolaeth gyda Llywodraeth Cymru

3.1 Holodd y Pwyllgor James Price, Dirprwy Ysgrifennydd Parhaol, Grŵp yr Economi, Sgiliau a  Chyfoeth Naturiol a Mick McGuire, Cyfarwyddwr, Sectorau a Busnes, Llywodraeth Cymru ynglŷn â Llywodraeth Cymru yn ariannu Kancoat Ltd.

3.2 Cytunodd James Price i wneud yr hyn a ganlyn:

· Rhoi eglurhad o sut y cafodd y broses o gaenu coiliau metel ei chategoreiddio fel bod o fewn y sector busnes 'Deunyddiau a Gweithgynhyrchu Uwch' a sut y daethpwyd i’r casgliad hwnnw;

· Anfon manylion am gyfradd methiant cyllid busnes yn Llywodraeth Cymru yn ystod y weinyddiaeth flaenorol;

· Rhannu’r asesiadau risg a gynhaliwyd fel rhan o'r diwydrwydd dyladwy ar gyfer cais Kancoat; ac

· Gwirio’r cofnod ynghylch ei ymateb ar natur y costau adfer ac os oes angen, anfon cywiriadau.

</AI4>

<AI5>

4 Maes Awyr Caerdydd: Ymateb Llywodraeth Cymru i Adroddiad Pwyllgor y Pedwerydd Cynulliad

4.1 Nododd yr Aelodau ymateb Llywodraeth Cymru i argymhellion y Pwyllgor blaenorol o'i ymchwiliad i Gaffael Maes Awyr Caerdydd.

4.2 Holodd y Pwyllgor James Price, Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol a Simon Jones, Cyfarwyddwr Trafnidiaeth a Seilwaith TGCh, Llywodraeth Cymru ynglŷn â Chaffael Maes Awyr Caerdydd.

4.3 Cytunodd James Price i wneud yr hyn a ganlyn:

· Anfon manylion y dangosyddion perfformiad a ddatblygwyd gan Holdco;

· Yr effaith y bydd Deddf Cenedlaethau'r Dyfodol 2015 yn ei chael ar weithrediad Maes Awyr Caerdydd;

· Rhannu’r ohebiaeth mewn perthynas â rôl Cadeirydd CIAL ar Fwrdd Holdco;

· Anfon copi o'r Cynllun Meistr ar gyfer Maes Awyr Caerdydd, pan fydd ar gael, yn 2017;

· Rhoi'r wybodaeth ddiweddaraf am y system offer glanio; a

· Dywedodd y byddai'n ailedrych ar y diwydrwydd dyladwy a roddwyd i Cardiff Aviation ac yn rhoi sylwadau yn unol â hynny.

</AI5>

<AI6>

5 Gwasanaeth Awyr oddi mewn i Gymru – Caerdydd i Ynys Môn: Y wybodaeth ddiweddaraf gan Lywodraeth Cymru

5.1 Nododd yr Aelodau’r wybodaeth ddiweddaraf gan Lywodraeth Cymru i argymhellion y Pwyllgor blaenorol o'i ymchwiliad i’r Gwasanaeth Awyr oddi mewn i Gymru - Caerdydd i Ynys Môn.

5.2 Holodd y Pwyllgor James Price, Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol a Simon Jones, Cyfarwyddwr Trafnidiaeth ac Isadeiledd TGCh, Llywodraeth Cymru ynglŷn â’r Gwasanaeth Awyr oddi mewn i Gymru - Caerdydd i Ynys Môn.

</AI6>

<AI7>

6 Buddsoddiad Llywodraeth Cymru yn Seilwaith Band Eang y Genhedlaeth Nesaf: Y wybodaeth ddiweddaraf gan Lywodraeth Cymru

6.1 Nododd yr Aelodau’r wybodaeth ddiweddaraf gan Lywodraeth Cymru i argymhellion y Pwyllgor blaenorol o'i ymchwiliad i fuddsoddiad Llywodraeth Cymru yn seilwaith band eang y genhedlaeth nesaf

6.2 Holodd y Pwyllgor James Price, Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol a Simon Jones, Cyfarwyddwr Trafnidiaeth a Seilwaith TGCh, Llywodraeth Cymru ynglŷn â buddsoddiad Llywodraeth Cymru yn seilwaith band eang y genhedlaeth nesaf.

6.3 Cytunodd James Price i anfon rhagor o wybodaeth yn egluro'r mentrau sy'n cael eu cymryd i godi ymwybyddiaeth a chynyddu sgiliau digidol ar gyfer defnyddwyr y rhyngrwyd.

</AI7>

<AI8>

7 Ymchwiliad i werth am arian Buddsoddi mewn Traffyrdd a Chefnffyrdd: Y wybodaeth ddiweddaraf gan Lywodraeth Cymru

7.1 Nododd yr Aelodau’r wybodaeth ddiweddaraf gan  Lywodraeth Cymru i argymhellion y Pwyllgor blaenorol o'i ymchwiliad i fuddsoddiad Llywodraeth Cymru yn seilwaith band eang y genhedlaeth nesaf

7.2 Holodd y Pwyllgor James Price, Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol a Simon Jones, Cyfarwyddwr Trafnidiaeth a Seilwaith TGCh, Llywodraeth Cymru ynglŷn â buddsoddiad Llywodraeth Cymru yn seilwaith band eang y genhedlaeth nesaf.

7.3 Cytunodd James Price i anfon eglurhad o’r mewnbwn y bydd gan Gomisiynydd Cenedlaethau'r Dyfodol yn yr ymgynghoriad ar y Cynllun Trafnidiaeth Cenedlaethol.

</AI8>

<AI9>

8 Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes canlynol:

8.1 Derbyniwyd y cynnig.

</AI9>

<AI10>

9 Trafod y dystiolaeth a ddaeth i law ar gyfer eitemau 3 - 7

9.1 Trafododd yr Aelodau'r dystiolaeth a ddaeth i law, a chytunwyd ar y canlynol:

Kancoat

Gofynnodd yr Aelodau i'r Clercod baratoi crynodeb o'r dystiolaeth a dderbyniwyd ynghyd ag argymhellion posibl i’w hystyried. Nododd yr Aelodau hefyd bod Archwilydd Cyffredinol Cymru wedi trefnu i gynnal archwiliad o Ddulliau Cefnogi Busnes Llywodraeth Cymru yn 2017.

Maes Awyr Caerdydd

Cytunodd yr Aelodau i dderbyn adroddiad cynnydd pellach ymhen 12 mis.

Cyswllt awyr

Gofynnodd yr Aelodau am i ganlyniadau adolygiad Ysgrifennydd y Cabinet dros yr Economi a Seilwaith o'r cwmni hedfan Gogledd-De fod ar gael i'r Pwyllgor pan gânt eu cyhoeddi.

Band eang

Cytunodd yr Aelodau na fyddant yn gofyn am ragor o ddiweddariadau yn sgil yr ymchwiliad a gynlluniwyd gan Bwyllgor yr Economi, Seilwaith a Sgiliau i Fand Eang.

Cefnffyrdd

Cytunodd yr Aelodau i ystyried eto a fydd angen unrhyw ddiweddariadau pellach ar ôl derbyn y Cynllun Trafnidiaeth Cenedlaethol, pan fydd ar gael.

</AI10>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>